Plantun de Prouvènço

Pèr coumpara dos planto d'encò nostre

Salicornia procumbens & Bromus japonicus

Engano(-clino)

Salicornia procumbens

Amaranthaceae Chenopodiaceae

Àutri noum : Perso-pèiro, Salicor, Sausouiro, Sansouiro.

Nom en français : Salicorne couchée.

Descripcioun :
Es uno engano de l'an e noun renadivo au contro di gènre proche Arthrocnemum e Sarcocomia. Adounc fai pas de bouissoun e s'atrobo pulèu dins li relarg sala mai dubert. Lis estamino sorton un pau e li tres flour de cade tros soun quàsi de la meme taio, aquelo dóu mitan un pau mai grando pamens (fotò e dessin). De coumpara emé Salicornia europea.

Usanço :
Lis engano soun coumestiblo e se manjon en ensalado se soun pas trop duro, e peréu esboulentado, adoubado coume de baneto. Bèn li lava que pòu i'agué de parasite dangeirous (letouspiròsi dóu ragoundin e douvo dóu fege).

Port : Erbo
Taio : A
Fueio : ges
Tipe bioulougico : Teroufite
Cicle bioulougico : Planto de l'an

Gènre : Salicornia
Famiho : Amaranthaceae
Famiho classico : Chenopodiaceae

Coulour de la flour : Verdo
Petalo : ges
Ø (o loungour) flour : 2 à 3 mm
Flourido : Estiéu - Autouno

Sòu : NaCl
Autour basso e auto : Pancaro entresigna
Aparado : Noun

Liò : Sansouiro - Mar
Estànci : Termoumediterran à Mesoumediterran
Couroulougi : TER
Ref. sc. : Salicornia procumbens Sm., 1813

Espangassas(-dóu-Japoun)

Bromus japonicus

Poaceae Graminaceae

Nom en français : Brome du Japon.

Descripcioun :
L'espangassas-dóu-Japoun es uno erbo de l'an que trachis dins lis ermas, en ribo de camin e de culturo. Es uno planto pulèu raro que dèu èstre un bastard entre Bromus arvense e Bromus squarrosus. Pèr acò tiro de l'un e de l'autre : lis espigau penjon coume pèr l'espangassas, mai soun pu long e mens larg coume li dóu senòbi-de-champ.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 80 cm
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Bromus
Famiho : Poaceae
Famiho classico : Graminaceae
Tribu : Triticeae
Ordre : Poales

Coulour de la flour : Verdo
Petalo : ges
Ø (o loungour) enflourejado : 15 cm
Flourido : Printèms

Sòu : Ca
Autour basso e auto : 0 à 1200 m
Aparado : Noun
Remarco : B. arvense x B. squarrosus
Mai à jun

Liò : Ermas - Culturo - Camin - Aigo
Estànci : Termoumediterran à Subremediterran
Couroulougi : Paleoutemperado
Ref. sc. : Bromus japonicus L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Salicornia procumbens & Bromus japonicus

ges

Coumpara Engano(-clino) emé uno autro planto

Coumpara Espangassas(-dóu-Japoun) emé uno autro planto